Հունաստանում Ռուսաստանի հյուպատոսին մահացած են գտել իր բնակարանում

Աթենքում իր բնակարանում մահացած է հայտնաբերվել 55-ամյա ռուս հյուպատոս Անդրեյ Մալանինը, փոխանցում է Alpha Press-ը:

Պարբերականի հաղորդմամբ՝ դիվանագետը առավոտյան աշխատանքի չի գնացել և չի պատասխանել զանգերին:

Այդ տեղեկությունը հաստատել են Ռուսաստանի դեսպանատանը:

Ոստիկանությունը մեկնել է հյուպատոսի տուն, տան դուռը ներսից փակ է եղել, իսկ մարմինը հատակին է եղել:

Իրավապահ մարմինները հետաքննում են տեղի ունեցածի հանգամանքները: