ԱԻՄ-ականներից երկուսը դեմ են եղել Սեյրան Օհանյանի շուրջ համախմբմանը. ինչու Պարույր Հայրիկյանը նման որոշում կայացրեց (տեսանյութ)

Երեկ ԱԻՄ նախագահ Պարույր Հայրիկյանը հայտարարել է Սեյրան Օհանյան- «Համախմբում»- «Երրորդ Հանրապետություն»-ՀԴԿ դաշինքին միանալու մասին: ArmLur.am-ի հետ զրույցում Հայրիկյանը հայտնեց, որ ԱԻՄ-ականներից երկուսն այս որոշմանը դեմ են եղել:

«Իհարկե, սա այն դաշինքը չէ, որ մենք էինք կամենում: ԱԻՄ ներկայացուցչական խորհուրդը ձայների մեծամասնությամբ կողմ չէր, ասում էր՝  սա այն դաշինքը չէր, որ երազում էինք, սպասենք և միասին դաշինք ստեղծենք: Սակայն սպասելու ժամանակ չկա, նույնիսկ հիմա մենք պետք է սովորականից ավելի արագ աշխատենք»,- նշեց նա` հավելելով, որ 19 կողմ ձայն է եղել, 2 դեմ:

Հայրիկյանը նշեց նաև, թե շարունակելու է աշխատել և ներսում եղած փոքր տարաձայնությունները դրան ամենևին չի խանգարի:

Մանրամասները՝  ArmLur.am-ի տեսանյութում:

Նաիրա Հովհաննիսյան, Հովսեփ Հովսեփյան