«Ժամանակ» թերթը գրում է. «Վերջին շրջանում խիստ լարվել են Վերահսկիչ պալատի արդեն նախկին նախագահ Իշխան Զաքարյանի ու ԵԿՄ նախագահ Մանվել Գրիգորյանի հարաբերությունները։ Իշխան Զաքարյանը ԵԿՄ վարչության անդամ է և կարող է վերջին քաղաքական զարգացումներից ելնելով զրկվել ԵԿՄ վարչության անդամությունից։ Սակայն, եթե դա տեղի ունենա, ապա շատ վատ հետևանքներ կունենա, քանի որ ԵԿՄ շարքերը ՀՀԿ շարքերի պես կնոսրանան։
Որոշ տեղեկություններով՝ Գյումրիի նախկին քաղաքապետ Վարդան Ղուկասյանը ևս ԵԿՄ-ն լքելու որոշում ունի։ Ստեղծված վիճակը հիշեցնում է 2008 թվականը, երբ հին ԵԿՄ-ականները դուրս մնացին կառույցից և այն համալրվեց նորերով՝ Սամվել Ալեքսանյան, Վարդան Ղուկասյան, Սուրիկ Խաչատրյան, Առաքել Մովսիսյան։ Սակայն, հիմա հենց ԵԿՄ «նորագիրների» ճակատագիրն է անորոշ»:
Ավելի մանրամասն՝ թերթի այսօրվա համարում:
.gif)
