Տավուշի մարզպետարանը մարզի լրատվամիջոցներով հայտարարություն է տարածել, որով օտարերկրյա համարանիշներով մինչեւ 2005թ. արտադրության մեքենաների տերերին կոչ է արել կառավարության` փետրվարի 24-ի որոշման համաձայն մինչեւ 5 միլիոն դրամ արժեքով անտոկոս վարկ ստանալ մեքենաները մաքսազերծելու համար: Կոչը բազմաթիվ վարորդներ բացասական են ընդունել, քանի որ առանց այդ էլ ԱՊՊԱ-ի պատճառով պարտքերի մեջ են: Նոյեմբերյան քաղաքի բնակիչ Սեյրան Բուդաղյանը, հնարավորություն չունենալով մաքսազերծել 1998թ. արտադրության վրացական համարանիշներով իր «ՎԱԶ-2106» մեքենան, փորձել է այն վաճառել 1000 դոլարով: Սակայն գնորդ չկա: Ստիպված է եղել հանձնել պահեստամասեր վաճառողին կամ կմախքը հասցնել Վրաստանի տարածք: Մինչդեռ լավ վիճակում գտնվող այդ «Ժիգուլի»-ն տաքսի էր աշխատում:
.gif)
