«Չորրորդ իշխանություն» թերթը գրում է. «ՉԻ» տեղեկություններով՝ Աշտարակի նորընտիր քաղաքապետ Թովմաս Շահվերդյանը, որը Աշտարակի քաղաքապետի պաշտոնը ստանձնեց 27 տարեկանում, այս օրերին աշխատում է խիստ ծանրաբեռնված գրաֆիկով: Նրա մտահոգության առարկան առաջիկա խորհրդարանական ընտրություններն են: Նա հրահանգում է հավաքել այն մարդկանց անձնագրերը, որոնք ձայն են տալու ՀՀԿ-ին:
Ձայներ հավաքելու գործընթացում քաղաքապետի հետ մրցապայքարի մեջ է մտել Արագածոտնի նախկին մարզպետ Սարգիս Սահակյանը, որը ղեկավարելու է Արագածոտնի ՀՀԿ նախընտրական շտաբը:
Նշենք, որ շտաբը գտնվում է Աշտարակի քաղաքապետարանի շենքի առաջին հարկում, նախկին մարզպետը այն գեղեցիկ վերանորոգել է ու կահավորել:
«ՉԻ» աղբյուրների փոխանցմամբ՝ նախկին մարզպետը «մեսիջներ» է ուղարկում Թովմաս Շահվերդյանին՝ ասելով, որ վերջինս մեծերի խաղի մեջ չմտնի: Թովմաս Շահվերդյանը, սակայն, ուզում է իրենն առաջ տանել եւ ցույց տալ, որ Աշտարակում վերջին խոսքն իրեն է պատկանելու»:
Ավելի մանրամասն՝ թերթի այսօրվա համարում:
.gif)
