Փետրվարի 2-ին նախարարի տեղակալ Կարեն Նազարյանն ընդունեց Միացյալ Թագավորության արտաքին գործերի և համագործակցության նախարարության Արևելյան Եվրոպայի և Կենտրոնական Ասիայի տնօրինության ղեկավար Սարա Սուինֆորդին, ում ուղեկցում էր ՀՀ-ում ՄԹ դեսպան Ջուդիթ Ֆարնուորթը։
Հանդիպմանը քննարկվեցին քաղաքական երկխոսության, առևտրատնտեսական փոխգործակցության, մշակութային փոխանակումների ակտիվացման ուղղությամբ ձեռնարկվող քայլերը։ Կարևորվեց Հայաստանի և ՄԹ համագործակցությունը միջազգային կազմակերպությունների շրջանակներում։
Փոխնախարարը հյուրին ներկայացրեց ՀՀ-ԵՄ նոր իրավական փաստաթղթի շուրջ բանակցությունների ընթացքը, ոլորտային համագործակցության ուղղությունները: Բրիտանական կողմի խնդրանքով Կարեն Նազարյանը ներկայացրեց նաև Լեռնային Ղարաբաղի հիմնախնդրի էությունն ու խաղաղ կարգավորման գործընթացի շուրջ ընթացող զարգացումները:
.gif)
