ArmLur.am-ի տեղեկություններով Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրեն Անդրանիկ Արզումանյանն աշխատանքից ազատման դիմում է ներկայացրել:
Ըստ մեզ հասած նախնական տեղեկությունների՝ ժամանակավոր պաշտոնակատար կլինի վերջերս գեղարվեստական ղեկավար նշանակված Կոնստանտին Օրբելյանը:
Բացի այս, չհաստատված տեղեկություններ կան, որ ամենայն հավանականությամբ տնօրենի պաշտոնը կզբաղեցնի ՀՀ մշակույթի նախկին նախարար Հասմիկ Պողոսյանը:
Նշենք, որ ավելի ուշ ՀՀ մշակույթի նախարարությունը պաշտոնապես հաստատեց այս տեղեկությունը, ըստ որի, ՀՀ մշակույթի նախարար Արմեն Ամիրյանի հրամանով Օպերայի եւ բալետի ազգային ակադեմիական թատրոնի տնօրեն Անդրանիկ Արզումանյանն իր դիմումի համաձայն ազատվել է պաշտոնից և նշանակվել մշակույթի նախարարի խորհրդական։
Նախարար Ամիրյանի հրամանով՝ տնօրենի պարտականությունները ժամանակավորապես դրվել են Թատրոնի գեղարվեստական ղեկավար Կոնստանտին Օրբելյանի վրա։
.gif)
