ԼՈՒՐ ԿԱԴՐ

Լուսանկարն արվել է Աբովյան փողոցում

Ինչպես երեւում է՝ այս փակված խանութը մեծ պահանջարկ է ունեցել: Նախկին հաճախորդներն այնքան են անհանգստացրել կողքի խանութների աշխատակիցներին, որ վերջիններս որոշել են սպառիչ պատասխան գրել եւ փակցնել:

 
ՀԱՐՑ. Շուտով լրանում է իմ 55 տարին: Տեղյակ եմ, որ կարող եմ ստանալ մանկավարժական թոշակ (աշխատում եմ մանկապարտեզում): Բայց վերջերս լսեցի, որ օրենքն այլեւս չի գործում, մանկավարժական թոշակ ստանալու իրավունքը՝ նույնպես: Խնդրում եմ պարզաբանել՝ ես հիմա իրավունք ունե՞մ ստանալու ինձ հասանելիք մանկավարժական թոշակը:

Գյուլնարա Վարդանյան (54 տարեկան, դաստիարակ)

ՊԱՏԱՍԽԱՆ. «Պետական կենսաթոշակների մասին» ՀՀ օրենքի 14-րդ հոդվածի 1-ին մասի համաձայն՝ մասնակի կենսաթոշակ նշանակվում է կրթության, մշակույթի որոշ կատեգորիաների աշխատողներին, եթե լրացել է նրանց 55 տարին եւ ունեն առնվազն 25 օրացուցային տարվա աշխատանքային ստաժ, որից առնվազն 12 օրացուցային տարին մասնագիտական ստաժ է:
Մասնակի կենսաթոշակի իրավունք տվող մասնագիտական աշխատանքային ստաժում հաշվառվում են ՀՀ կառավարության կողմից սահմանված ցանկում նշված մասնագիտություններով եւ պաշտոններում մինչեւ 2003 թվականի օգոստոսի 1-ն աշխատած ժամանակահատվածները:
շարունակելի

ՀՀ աշխատանքի եւ սոցիալական հարցերի նախարարության հասարակայնության հետ կապերի բաժին

«ԺՈՂՈՎՈՒՐԴ». Ավելացնենք, որ մասնակի կենսաթոշակը նշանակվում է մինչեւ տարիքային աշխատանքային կենսաթոշակի իրավունք տվող տարիքը լրանալը:

 
ՀԱՐՑ. Նոր բնակարան եմ գնել բազմաբնակարան շենքում եւ ուզում եմ իմանալ՝ գույքահարկն ինչ ձեւաչափով պետք է վճարեմ: Այսինքն՝ ի՞նչ սկզբունքով է սահմանվում գույքահարկի չափը:

Նարինե Մովսիսյան (34 տարեկան, տնային տնտեսուհի)

ՊԱՏԱՍԽԱՆ. «Գույքահարկի մասին» ՀՀ օրենքի 5-րդ հոդվածի համաձայն՝ շինությունների հարկման բազա է համարվում սույն օրենքի բաղկացուցիչ մասը կազմող հավելվածով սահմանված կարգով գնահատված կադաստրային արժեքը: Սույն օրենքի 6-րդ հոդվածի համաձայն` բնակելի նշանակության շինությունների գույքահարկը հաշվարկվում է՝

Երեւանի քաղաքապետարանի տեղեկատվության եւ հասարակայնության հետ կապերի վարչություն

«ԺՈՂՈՎՈՒՐԴ». Նշենք, որ գույքահարկով հարկվող օբյեկտ համարվում են բազմաբնակարան բնակելի շենքը՝ մեկից ավելի բնակարաններ, ոչ բնակելի եւ ընդհանուր օգտագործման տարածքներ ունեցող շինությունը, ինչպես նաեւ՝ բազմաբնակարան շենքի ոչ բնակելի տարածքը՝ բազմաբնակարան շենքում բնակարան, հասարակական, արտադրական նշանակության շինություն չհամարվող, իրավունքների պետական գրանցումն իրականացնող լիազորված մարմնում առանձին ծածկագրով գրանցված եւ համարակալված տարածքը: