ԱՄՆ նախագահ Դոնալդ Թրամփը հայտարարել է, որ հաջորդ շաբաթ նա ամենայն հավանակությամբ նոր հրամանագիր կստորագրի, որով արգելվում է ԱՄՆ մուտքը մուսուլմանական 7 երկրների քաղաքացիների համար, փոխանցում է BBC-ն:
Նախագահական ինքնաթիռում լրագրողների հետ զրույցում Թրամփը հայտարարել է, որ դիտարկում է արգելքի իրականացման մի քանի տարբերակ:
Թրամփը նշել է, որ չի շտապի Գերագույն դատարանում վիճարկել Վերաքննիչ դատարանի որոշումը, որը հրաժարվել է ավելի վաղ վերականգնել ԱՄՆ մուտքի արգելքի մասին առաջին հրամանագրի գործողությունը:
«Մենք կշահենք այդ վեճը: Խնդիրը կայանում է նրանում, որ դրա համար ժամանակ է պետք: Սակայն մենք մի շարք այլ տարբերակներ ունենք, այդ թվում ՝ նոր հրամանագիր»,-ասել է Թրամփը:
BBC-ն նշում է, որ դեռևս հայտնի չէ, թե ինչով կտարբերվի նոր հրամանագիրը ներկայիս հրամանագրից:
.gif)
