Սպիտակ տան բարձրաստիճան պաշտոնյաներն ուսումնասիրում են Ռուսաստանի հետ ԱՄՆ նախագահ Դոնալդ Թրամփի խորհրդական Մայքլ Ֆլինի շփումները, փոխանցում է BBC-ն:
Ավելի վաղ տեղեկություններ են հաղորդվել այն մասին, որ նախկին գեներալ-լեյտենանտ Ֆլինը ռուս դեսպան Սերգեյ Կիսլյակի հետ քննարկել է հակառուսական պատժամիջոցները ԱՄՆ նախագահի պաշտոնում Դոնալդ Թրամփի նշանակումից մի քանի շաբաթ առաջ:
Միևնույն ժամանակ, քաղաքական հարցերով Թրամփի ավագ խորհրդական Ստիվեն Միլերը հրաժարվել է աջակցել Ֆլինին, ինչը կասկածի տակ է դրել Թրամփի ադմինիստրացիայում նախկին գեներալի հանդեպ վստահությունը:
.gif)
