Փետրվարի 16-ին Կոլումբիայում ՀՀ դեսպան Աշոտ Գալոյանը (նստավայրը՝ Բրազիլիա) Բոգոտայում իր հավատարմագրերը հանձնեց Կոլումբիայի նախագահ Խուան Մանուել Սանտոս Կալդեյրային:
Նախագահ Սանտոսի հետ ունեցած զրույցի ժամանակ դեսպան Գալոյանն ընդգծեց հայ-կոլումբիական երկկողմ հարաբերությունների ամրապնդման և զարգացման անհրաժեշտությունը:
ՀՀ դեսպանը բարձր գնահատեց Նախագահ Սանտոսի քաղաքական մեծ ներդրումը` կեսդարյա ներքաղաքական ճգնաժամի հանգուցալուծման գործում, որի համար վերջինս արժանացավ Նոբելյան խաղաղության մրցանակի:
Անդրադառնալով աշխարհում խաղաղության հաստատման հարցին՝ դեսպան Գալոյանը հատուկ նշեց վերջերս Բոգոտայում կայացած Խաղաղության նոբելյան մրցանակակիրների 16-րդ համաժողովի դերը:
Կոլումբիայի Նախագահը, կարևորելով ՀՀ դեսպանի նշանակման փաստը, պատրաստակամություն հայտնեց բոլոր առանցքային ոլորտներում աջակցել երկկողմ հարաբերությունների զարգացմանը:
Կոլումբիայի արտաքին գործերի նախարար Մարիա Անխելա Հոլգուինի հետ ունեցած առանձնազրույցի ժամանակ կողմերն ի թիվս այլ հարցերի նաև պայմանավորվածություն ձեռք բերեցին առաջիկայում աշխատանքներ իրականացնել երկու երկրների միջև վիզաների ազատականացման հարցի շուրջ։
.gif)
