Ազգային ժողովի հերթական քառօրյայի վերջին նիստը չկայացավ: Ինչպես հաղորդում է «Արմենպրես»-ը, այդպես էլ չհաջողվեց նիստը սկսելու համար քվորում ապահովել: Երեք ժամ տևած ընդմիջումից հետո Ազգային ժողովի փոխնախագահ Էդուարդ Շարմազանովը հայտնեց, որ գրանցվել է ընդամենը 39 պատգամավոր:
«Երեք ժամվա ընթաց քում գրանցված պատգամավորների թիվը ընդամենը 39 է: Քվորում ապահովելու համար անհրաժեշտ է 66 պատգամավորի ներկայություն: Քանի որ մենք քվորում չունենք, նիստը չի կարող կայանալ»,- ասաց Շարմազանովը: Ազգային ժողովի հերթական քառօրյայի վերջին նիստը հետաձգվել էր քվորում չլինելու պատճառով: ՀՀ ԱԺ նախագահ Գալուստ Սահակյանը հայտարարել էր, որ երեք ժամվա ընթացքում պատգամավորները կարող են գրանցվել, իսկ եթե կրկին քվորում չլինի, նիստը չի կայանա:
.gif)
