Այ գիշեր արցախա-ադրբեջանական հակամարտ զորքերի շփման գծում մնացել է լարված: Հակառակորդը շփման գծի ողջ երկայնքով ականանետերից, նռնականետերից ու խոշոր տրամաչափի գնդացիրներից, հրադադարի պահպանման ռեժիմը խախտել է շուրջ 145 անգամ՝ հայ դիրքապահների ուղղությամբ արձակելով ավելի քան 2000 կրակոց:
ArmLur.am-ի հետ զրույցում Արցախի հանրապետության մամուլի խոսնակ Դավիթ Բաբայանն ասաց, որ բարեբախտաբար վիրավորներ չունենք. «Թշնամին չի հրաժարվում ֆաշիստական ահաբեկչական քաղաքականությունից, մանավանդ, որ վերջերս տվել է բավականին մեծ կորուստներ»:
Դավիթ Բաբայանի դիտարկմամբ՝ dիվերսիոն փորձի խափանումից հետո, Ադրբեջանում ժողովրդի շրջանակներում կա դժգոհություն և բողոքի դրսևորումներ:
«Նրանք նման պահվածքով ևս մեկ անգամ ցույց են տալիս՝ ինքը ո՞վ է, և ի՞նչ է ուզում: Բանակը կանգնած է, մարտական է: Ցանկացած խախտման դեպքում ստանում է համարժեք պատասխան: Պատերազմի հավանականությունը միշտ էլ կա, պետք է միշտ պատրաստ լինենք: Հավանականությունը կախված է մեր պատրաստակամությունից: Մենք հզոր ենք, հետևաբար հավանականությունը մեծ է: Եթե լինի արկածախնդրություն ստանալու են պատմական պատասխան»,- հավելեց Արցախի հանրապետության մամուլի խոսնակը:
Լիդա Եղիազարյան
.gif)
