Ստամբուլում գերմանական Die Welt պարբերականի թղթակից Դենիզ Յուսելի ձերբակալությունից հետո, ում Թուրքիայի իշխանությունները մեղադրում են ահաբեկիչների հետ կապերի մեջ, Թուրքիայի նախագահ Ռեջեփ Թայիփ Էրդողանը Գերմանիային մեղադրել է «ահաբեկչության խրախուսման», ինչպես նաև Թուրքիայում հետապնդվող հանցագործին ապաստան տրամադրելու մեջ, փոխանցում է Rbk-ն՝ հղում անելով Daily Sabah-ին:
«Գերմանիան պետք է դատարանի առջև կանգնի ահաբեկչին թաքցնելու և աջակցելու համար»,-ասել է Էրդողանը:
Յուսելին Էրդողանը «գերմանացի լրտես» է անվանել՝ բացատրելով, որ նա, իր տվյալներով, Թուրքիայում արգելված Քրդստանի աշխատավորական կուսակցության ներկայացուցիչ է:
Ավելի վաղ Գերմանիային ուղղված քննդատությամբ հանդես էր եկել Թուրքիայի ԱԳՆ ղեկավար Մևլյութ Չավուշօղլուն՝ Գերմանիային մեղադրելով երկակի ստանդարտների կիրառման մեջ:
.gif)
