ԻՆԳՈ ԱՐՄԵՆԻԱ ապահովագրական ընկերությունն իրականացրեց «Առողջ համագործակցություն» խորագրով միջոցառում, որն ուղղված էր մարզերի գործակալական ցանցի խրախուսմանը: Միջոցառման նպատակն էր ընդլայնել գործակալական ցանցը և կերտել պրոֆեսիոնալ գործակալներ:
Միջոցառումը տեղի ունեցավ մարտի 4-ին «ՎԱՐԴԱՆԱՆՑ ՆՈՐԱՐԱՐԱԿԱՆ ԲԿ»-ում, որին մասնակցեցին 2016-թ.-ին Հայաստանի տարբեր մարզերի լավագույն արդյունքներ գրանցած գործակալները:
Միջոցառման ընթացքում «ԻՆԳՈ ԱՐՄԵՆԻԱ» ապահովագրական ընկերության գործադիր տնօրեն Արևշատ Մելիքսեթյանը, մարզերի տարածքային ստորաբաժանումների կառավարման բաժնի ղեկավար Հենրիկ Միրզոյանը և Արաբկիր մասնաճյուղի տնօրեն Սերգեյ Շահինյանը ներկայացրեցին «ԻՆԳՈ ԱՐՄԵՆԻԱ»-ի կողմից մշակված 2017 թվականի ծրագրերը, մասնավորապես ուշադրությունը սևեռելով դեպի ԱՊՊԱ ուղիղ հատուցման ներդրվող ծրագրին: Ինչպես նաև հատուկ նշվեց «ԻՆԳՈ ԱՐՄԵՆԻԱ» ապահովագրական ընկերության կողմից բացված անվճար գործակալական դպրոցի մասին, որտեղ կարող են ուսուցանել տարբեր նախասիրություններ ունեցող անձինք, ձեռք բերել գործակալի լիարժեք գիտելիքներ և ունենալ աշխատանք:
Միջոցառման ընթացքում գործակալներին հանձնեցին շնորհակալագրեր, ինչպես նաև անվանական նվեր-քարտեր «ՎԱՐԴԱՆԱՆՑ ՆՈՐԱՐԱՐԱԿԱՆ ԲԿ»- ի ծառայություններից օգտվելու համար:
«Մենք բարձր ենք գնահատում մեզ հետ համագործակցող ֆիզիկական և իրավաբանական անձ հանդիսացող գործակալներից յուրաքանչյուրին: Մենք շարունակելու ենք այս ծրագիրը ՝ հույս ունենալով, որ մի օր մեզ հետ համագործակցող բոլոր գործակալները ներառված կլինեն «Առողջ համագործակցություն» ծրագրին: Շնորհակալ ենք, որ ընտրել եք ԻՆԳՈ ԱՐՄԵՆԻԱ ապահովագրական ընկերությունը»,-նշեց մարզերի տարածքային ստորաբաժանումների կառավարման բաժնի ղեկավար Հենրիկ Միրզոյանը:
.gif)
