Ինչ անել, եթե Ձեզ փորձում են վերահսկել: Ապրիլի 2-ին կայանալիք խորհրդարանական ընտրություններին, միգուցե, Ձեզ փորձեն ստիպել, որ ցույց տաք, թե ինչպես եք քվեարկել:
Ընտրատեղամասում Ձեզ տալու են 9 քվեաթերթիկ` ամեն մեկը մի կուսակցության կամ դաշինքի: Դուք քվեախցիկում այդ քվեաթերթիկներից ընտրելու եք Ձեր համակրած քաղաքական ուժի քվեաթերթիկը` մնացած նետելով քվեախցիկում առկա արկղի մեջ:
Եթե Ձեզ պարտադրեն, որ նկարահանեք քվեաթերթիկը, ապա Դուք կարող եք քվեաթերթիկը նկարելուց հետո փոխել այն և ծրարի մեջ դնել այլ քաղաքական ուժի քվեաթերթիկ:
Եթե Ձեզ պարտադրեն դուրս հանել 9 քվեաթերթիկներից մյուս 8-ը, որպեսզի համոզվեն, որ ծրարի մեջ դրել եք հենց 9-րդ քվեաթերթիկը, ապա քվեախցիկում Դուք կարող եք այդ նույն կուսակցության քվեաթերթիկը գցել արկղի մեջ, այնտեղից վերցնել Ձեր նախընտրած քաղաքական ուժի քվեաթերթիկը, իսկ մնացած 8 քվեաթերթիկները հանել դուրս:
Դրսում Ձեզ վերահսկողները կմտածեն, որ Դուք հենց իրենց քաղաքական ուժի օգտին եք քվեարկել:
ՀԻՇԵ′Ք` քվեախցիկում առկա արկղի մեջ միշտ լինելու են բազմաթիվ քվեաթերթիկներ, որոնցից Դուք կարող եք վերցնել Ձեր նախընտրած կուսակցության կամ դաշինքի քվեաթերթիկը և քվեարկել, ինչն արված է հատուկ, որպեսզի Դուք կարողանաք քվեարկել ինչպես որ կկամենաք` խաբելով վերահսկողներին:
Հետևապես, ծրարի մեջ դրեք այն կուսակցության կամ դաշինքի քվեաթերթիկը, որին իրապես համակրում եք, որի հաղթանակով Դուք կուրախանաք:
Առավել մանրամասն` ArmLur.am-ի տեսանյութում:
.gif)
