Նիդեռլանդների դատարանը մեղավոր է ճանաչել «Ղարաբաղը դառնալու է հայերի գերեզմանը» արտահայտության հեղինակին

Նիդեռլանդների դատարանը մեղավոր է ճանաչել Հաագայի թուրք-ադրբեջանական մշակութային միության ղեկավար Իլհամ Էշքինին Նիդեռլանդներում հայերի նկատմամբ ատելություն հրահրելու համար:

Դատարանը նրան 120 ժամ հասարակական աշխատանքի և 4 շաբաթ պայմանական ազատազրկման է դատապարտել 2 տարի փորձնական ժամկետով, փոխանցում է Armenian Weekly-ն՝ հղում անելով տեղի հայկական համայնքի ներկայացուցիչներին:

2014թ. թուրք-ադրբեջանական մշակութային միության ղեկավարը Նիդեռլանդների Ալմելո քաղաքում Հայոց ցեղասպանության զոհերի հիշատակը հավերժացնող հուշարձանի տեղադրման դեմ բողոքի ակցիայի ժամանակ հայտարարել էր, որ «Ղարաբաղը դառնալու է հայերի գերեզմանը»: