ArmLur.am-ն արդեն հայտնել է, որ պաշտոնապես չհաստատված լուրերի համաձայն` այսօր ՀՀ ազգային անվտանգության ծառայության կողմից ձերբակալվել է Արցախի ՊԲ նախկին հրամանատար Սամվել Բաբայանը:
Մինչ ԱԱԾ-ն լռում է, լրատվամիջոցներով իրարամերժ տեղեկությունները հաջորդում են իրար:
Քիչ առաջ ArmLur.am-ը թղթակիցը եղավ Բաբայանի բնակարանում, որտեղ մեր հարցին` ճի՞շտ են ձերբակալման մասին տեղեկությունները, Բաբայանի դուստրը` Աննան, լացակումած պատասխանեց. «Դեռ ոչինչ չգիտենք: Չգիտենք` որտեղ է»:
Մեր մյուս հարցերին նա հրաժարվեց պատասխանել:
Ի դեպ, Բաբայանի բնակարանի մոտ էին հավաքվել ՕՐՕ դաշինքի մի քանի անդամներ, ովքեր ևս կատարվածի մասին տեղեկություններ չունեին:
Նրանց փոխանցմամբ` ԱԱԾ-ից որևէ մանրամասն ճշտել չի հաջողվում:
Բաբայանի հետ վերջին անգամ զրուցել են երեկ:
.gif)
