Ինչ վիճակում են գտնվում վթարից տուժած զինվորները

Սոթք-Քարվաճառ ավտոճանապարհին երեկ բախվել էին պաշտպանության նախարարության ՈՒՐԱԼ մակնիշի եւ Volkswagen Golf մակնիշի ավտոմեքենաներ, որի հետևանքով կային վիրավորներ։

ArmLur.am-ը վիրվոր զինծառայողների առողջական վիճակի մասին հետաքրքրվեց ՀՀ պաշտպանության նախարարի խոսնակ Արծրուն Հովհաննիսյանից:

Ըստ նրա՝ վթարի հետևանքով 5 հոգի մարմնական վնասվածքներ է ստացել: Չորսիվիճակը լավ է, լուրջ վնասվածքներ չունեն: Նրանք Վարդենիսում են: «Հնարավոր է` այսօր դուրս գրվեն, քանի որ թեթև վնասվածքներ են ստացել: Մեկ հոգու խնդիրն է ծանր,  գլխի վնասվածք է ստացել, տեղափոխել են Երևան»,- մանրամասնեց Հովհաննիսյանը:

ՀՀ պաշտպանության նախարարի խոսնակի խոսքով՝ զինծառայողի վիճակն այս պահին գնահատվում է ծանր: