«168 ժամ»-ը «գրում է. «Կիրակի օրը կայացած խորհրդարանական ընտրություններն անցան, ըստ էության, սպասելիի և կանխատեսելիի շրջանակներում։ Ընտրությունների ընթացքում կիրառվեցին ընտրախախտումների գրեթե բոլոր ավանդական եղանակները՝ ընտրակաշառքներ, ընտրողների զանգվածային տեղափոխում, ճնշումներ, վախի մթնոլորտ։
Սակայն այդ և բազմաթիվ այլ ընտրակեղծիքները մեծ մասամբ կատարվեցին ընտրատեղամասերից դուրս, բուն ընտրական տեղամասերում ընտրությունների արդյունքների վրա ազդող կեղծիքներ տեղի չունեցան։ Այս իմաստով ընտրությունները և նոր ձևավորված խորհրդարանն ըստ էության դարձան «տեխնիկապես լեգիտիմ»։
Ի վերջո, հանրությունն ընտրեց այն խորհրդարանը, որն ընտրեց, և որում ներկայացված են լինելու ՀՀԿ-ն, «Ծառուկյան» և «Ելք» դաշինքներն ու ՀՅԴ-ն։ Այս ուժերից կազմված խորհրդարանն է առաջիկա հինգ տարիներին որոշումներ կայացնելու երկրի ու հասարակության համար կենսական հարցերի վերաբերյալ»։
Ավելի մանրամասն՝ թերթի այսօրվա համարում:
.gif)
