Նախորդ տարի ևս նվազել են Հայաստանում օտարերկրյա ներդրումները. «Ժողովուրդ»

«Ժողովուրդ» օրաթերթը գրում է. «Նախորդ տարի եւս նվազել են Հայաստանում օտարերկրյա ներդրումները: «Ժողովուրդ» օրաթերթին պաշտոնական փաստաթղթերից հայտնի դարձավ, որ եթե 2015թ. ընթացքում իրականացվել էր 69 մլրդ 426.8 մլն դրամի ուղղակի ներդրում, ապա 2016թ. ներդրումների ծավալները նվազել են 6.7 մլրդ դրամով եւ կազմել 62 մլրդ 679.3 մլն դրամ: Ավելին՝ ինչպես «Ժողովուրդ»-ը պարզեց Ազգային վիճակագրական ծառայության հրապարակած ցուցանիշներից՝ նախորդ տարվա ընթացքում մեր հիմնական տնտեսական գործընկեր երկրներից ՌԴ-ն Հայաստանից դուրս է հանել իր կապիտալը: Ռուսական կապիտալի արտահոսքը կազմել է 26.2 մլրդ դրամ կամ մոտ 55 մլն դոլար: Ու, ընդհանրապես, Հայաստանից գումարների արտահոսքը գնալով միայն ավելանում է: Ըստ Կենտրոնական բանկի տվյալների՝ եթե 2015թ. ՀՀ-ից գումարի արտահոսքը եղել է 760 մլն 992 հազար ԱՄՆ դոլար, ապա 2016թ. այն ավելացել է` դառնալով 816 մլն 982 հազար դոլար. ցուցանիշներ, որոնք բավական մռայլ պատկեր են ստեղծում»:

Ավելի մանրամասն՝ թերթի այսօրվա համարում: