Ամերիկյան նավերը թևավոր հրթիռներով հարված են հասցրել Սիրիայի տարածքին, փոխանցում է BBC-ն՝ հղում անելով Պենտագոնի ներկայացուցչին:
BBC-ի հաղորդմամբ՝ մոտ 50 «Թոմահավք» հրթիռ արձակվել է «Շայրաթ» ավիաբազային, որը գտնվում է Հոմս քաղաքի շրջանում և վերահսկվում սիրիական կառավարական ուժերի կողմից:
Նույն ավիաբազայից երեքշաբթի օրը առավոտյան սիրիական ավիացիան հարված է հասցրել Իդլիբ նահանգի Հան-Շեյխուն քաղաքի ուղղությամբ, ենթադրաբար, քիմիական զենքի կիրառմամբ: Այդ հարձակման զոհ են դարձել տասնյակ խաղաղ բնակիչներ:
Ամերիկացի պաշտոնյաներից մեկի խոսքով՝ հրթիռային հարվածները ուղղված են եղել Սիրիայում ռուսական ռազմական օբյեկտներին:
«ԱՄՆ-ն նախազգուշացրել է մի շարք երկրներին պլանավորվող ռազմական օպերացիայի մասին, որոնց թվում Ռուսաստանը չկա»,- Սպիտակ տան ադմինիստրացիայի աշխատակցի խոսքն է մեջբերում CNN-ը:
Սիրիական պետական հեռուստաընկերությունն իր հերթին հաստատել է, որ ավիաբազան հարձակման է ենթարկվել: Հայտարարության մեջ ասվում է ամերիկյան ագրեսիայի մասին:
.gif)
