Սամվել Սանամյանն ազատվել է զբաղեցրած պաշտոնից

ՀՀ վարչապետ Կարեն Կարապետյանի որոշմամբ Սամվել Սանամյանն ազատվել է իր խորհրդականի  պաշտոնից: Որոշման մեջ ասվում է.

«Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 6-րդ ենթակետը՝ Սամվել Սանամյանին ազատել Հայաստանի Հանրապետության վարչապետի խորհրդականի պաշտոնից՝ իր դիմումի համաձայն», – նշված է որոշման մեջ։

Հիշեցնենք, որ Սանամյանը վարկանիշային ընտրակարգով առաջադրված էր Կոտայքի մարզում  և կարող է իր գործունեությունը շարունակել որպես պատգամավոր: