Արտաշատի մարտը. Արայիկ Գրիգորյանին առաջարկ է արվել. «Ժամանակ»

«Ժամանակ» թերթը գրում է. «Մինչև անցյալ շաբաթ իշխանությունները պատրաստ են եղել Արտաշատի համար կռիվ չտալ՝ հաշվի առնելով այդ քաղաքում ՀՀԿ նախկին փոխնախագահ Հովիկ Աբրահամյանի ունեցած ազդեցությունն ու կշիռը։ Սակայն վերջին օրերին նրա քաղաքական ակտիվությունը կարծես թե փոխել է իշխանության տրամադրությունը, և Արարատի մարզում երկրի մասշտաբով ամենաշատ ձայներն ապահոված Արայիկ Գրիգորյանի (Ավշարի Արայիկ) հետ քննարկվում է Արտաշատում ՀՀԿ-ի համար հաղթող թեկնածու առաջադրելու հնարավորությունը։

Հարցը դեռևս առկախված է և կախված բացառապես Սերժ Սարգսյանի վերջնական որոշումից ու կամքից։ Հարցին կարող է էապես միջամտել և կրքերը հանդարտեցնել միայն Գագիկ Ծառուկյանը՝ Սերժ Սարգսյանին հավելյալ երաշխիքներ տալով, որ Հովիկ Աբրահամյանն առնվազն տեսանելի ապագայում քաղաքական դերակատարության և գործունեության հավակնություն չի ունենալու»:

Ավելի մանրամասն՝ թերթի այսօրվա համարում: