Թուրքիայի նախագահ Ռեջեփ Թայիփ Էրդողանը հայտարարել է, որ ԱՄՆ նախկին նախագահ Բարաք Օբաման խաբել է Անկարային և աջակցել է սիրիական քրդական ժողովրդավարական միություն կուսակցությանը (PYD)՝ չնայած ձեռքբերված համաձայնություններին:
Էրդողանը պատասխանել է Al Jazeera հեռուստաալիքի այն հարցին, թե արդյոք ԱՄՆ-ի ադմինիստրացիան պատրաստ է փոխել վերաբերմունքը PYD-ի և YPG-ի (սիրիացի քրդերի «Ազգային ինքնապաշտպանության ստորաբաժանումներ») հանդեպ:
«Թրամփի հետ անձնական հանդիպման ընթացքում մենք քննարկեցինք այդ հարցը, և ես կներկայացնեմ փաստաթղթերը: ԱՄՆ-ի և Թուրքիայի միջև համաձայնություն կա PYD-ի դեմ պայքարի հարցով, այն գործում էր նաև Օբամայի օրոք: Սակայն, ցավոք, նա խաբեց Թուրքիային PYD-ի և YPG-ի դեմ պայքարի հարցում: Հուսով եմ՝ ԱՄՆ-ի նոր ադմինիստրացիան այլ կլինի և նույն սխալը չի կրկնի»,-հայտարարել է Էրդողանը:
Նրա խոսքով՝ ժամանակն է վերջ դնել PYD ահաբեկչական խմբավորման գործունեությանը:
.gif)
