Առաջին բուժօգնության կանոնները պետք է իմանան բոլորը: Սակայն ամեն գործողություն ունի իր հակազդեցությունը, որի պատճառով մարդու կյանքը կարող է էլ ավելի վտանգավոր դրության մեջ լինել:
Մի քանի հիմնական սխալ, որը մարդիկ թույլ են տալիս առաջին բուժօգնություն ցուցաբերելիս.
1. Վերքի լվացումը ջրածնի պերօքսիդով, յոդով կամ բժշկական սպիրտով կարող է վնասակար լինել
Վատ ազդեցությունը. ջրածնի պերօքսիդը քայքայում է հյուսվածքների բջիջիները, և վերքը երկար է բուժվում: Յոդը, զելյոնկան և սպիրտն այրում են առողջ բջիջները:
Ինչ անել. վերքը լվացեք մաքուր խմելու ջրով, հակաբիոտիկներով քսուք քսել: Վիրակապը պետք չէ կապել առանց անհրաժեշտության, այլապես վերքը կթրջվի և երկար կբուժվի:
2. Սրտի սխալ մերսումը կարող է կողոսկրերի և թոքերի վնասվածքի հանգեցնել
Վատ ազդեցությունը. ոչ ճիշտ մերսումը կարող է նման վնասվածքների հանգեցնել, ինչը լուրջ ազդեցություն կունենա սրտի և թոքերի վրա:
Ինչ անել. պետք է մերսել միայն համոզվելով, որ պուլս չկա, մարդը չի շնչում կամ մոտակայքում բժիշկ չկա: Ճիշտ ռիթմը մեկ րոպեում 100 սեղմումն է:
3. Պարացետամոլը կարող է լյարդի հետ կապված խնդիրների հանգեցնել
Վատ ազդեցությունը. պարացետամոլը կազմված է ացետամինոֆենից, այն վերացնում է ցավը, իջեցնում ջերմությունը, սակայն դրա դոզայի ավելցուկը կարող է լյարդի հետ կապված խնդիրներ առաջացնել:
Ինչ անել. ուշադիր հաշվեք դոզան: Մեծահասակների համար մեկանգամյա առավելագույն դոզան կազմում է 1 գ, մեկ օրվա առավելագույն դոզան՝ 4 գ:
4. Քթից արնահոսության դեպքում չի կարելի գլուխը հետ պահել և պառկել մեջքի վրա
Վատ ազդեցությունը. այդպես արյան ճնշումը կբարձրանա:
Ինչ անել. գլուխը պետք է ուղիղ պահել, քթի մեջ ինչ-որ սառը բան դնել, ցուցամատի օգնությամբ փակեք քթանցքերը 15 րոպե, շնչել բերանով:
5. Վթարի դեպքում չի կարելի մարդուն հանել մեքենայից
Վատ ազդեցությունը. հաճախ վթարից հետո մահ է գրանցվում պարանոցի կամ ողնաշարի վնասվածքի պատճառով:
Ինչ անել. եթե մարդը տուժել է կամ կան պատճառներ անհանգստանալու , որ վնասվել է գլուխը, պարանոցը կամ ողնաշարը, անհապաղ պետք է շտապօգնություն կանչել և հետևել տուժածի շնչառությանը:
6. Լուրջ թունավորման դեպքում չի կարելի սրտխառնոց առաջացնող հաբեր խմել
Վատ ազդեցությունը. սրտխառնոց առաջացնող հաբերը կարող են կերակրափողի այրոցի հանգեցնել:
Ինչ անել. անհրաժեշտ է շտապօգնություն կանչել, նկարագրել ախտանշաններն ու թունավորման հնարավոր աղբյուրը, գրանցել բժշկի կողմից խորհուրդ տրվող գործողությունները: Պետք չէ փորձել ինքնուրույն միջոցներ ձեռնարկել:
7. Արնահոսությունը կանգնեցնելու համար լարանի (ժգուտ) օգտագործում
Վատ ազդեցությունը. լարանը սխալ դնելը կարող է վերջույթների ճնշում առաջացնել:
Ինչ անել. ստերիլ բինտի օգնությամբ ծածկեք վերքը կամ պահեք վրա: Դա բավարար կլինի, մինչ կժամանի շտապօգնությունը:
8. Չի կարելի բերանի մեջ գդալ դնել կամ լեզուն հանել, եթե ցնցում է առաջացել
Վատ ազդեցությունը. ցնցման ժամանակ մարդը կարող է խեղդվել իրի պատճառով, որը դնում են նրա բերանի մեջ լեզուն պաշտպանելու համար:
Ինչ անել. ամենակարևորը՝ բժիշկ կանչել, հոգ տանել, որպեսզի մարդը չվնասվի ինչ-որ բանից կամ հետևել, որպեսզի նրան շնչելու համար հարմար լինի: Լեզուն կուլ տակ անհնար է, իսկ կծելը՝ ոչ վնասակար: Ցնցումից հետո անհրաժեշտ է մարդուն կողքի վրա պառկեցնել:
9. Օձի, թունավոր միջատների խայթոցի դեպքում կտրականապես արգելվում է թույնը ծծել
Վատ ազդեցությունը. թքի հետ խառնված թույնը արագացնում է օրգանիզմի թունավորումը, կարող է թոքերի այտուցի կամ սրտի կանգի հանգեցնել:
Ինչ անել. անհրաժեշտ է հորիզոնական դիրք ընդունել, շտապօգնությույն կանչել, մանրամասն նկարագրել թունավորման աղբյուրն ու շատ հեղուկ օգտագործել:
Կարևոր է. հիվանդին պետք չէ հասցնել առաջին պատահած հիվանդանոց
Սխալ է. հիվանդին կամ տուժածին առաջին պատահած հիվանդանոցը հասցնելը:
Ինչ անել. զանգել շտապօգնություն, նկարագրել իրավիճակը: Մոտակա հիվանդանոցը կարող է չունենալ հիվանդին անհրաժեշտ բուժօգնություն ցուցաբերելու դեղամիջոցները, սարքերը կամ մասնագետները:
.gif)
