ԼՈՒՐ ԿԱԴՐ

Լուսանկարն արվել է Հյուսիսայում պողոտայում

Հանգստյան օրերին լիցքաթափվելու հարմար ՀՀ պաշտպանության նախարար Վիգեն Սարգսյանը Հյուսիսային պողոտայում զբոսնել է երեք դուստրերի հետ եւ հեծանիվ վարել: Նրանք զբոսնել եւ պաղպաղակ են վայելել:
Լուսանկարն՝ asekose.am-ի

ՀԱՐՑ. Ես ուզում եմ իմանալ՝ Հայաստանի Հանրապետության աշխատանքային օրենսդրությունը գործո՞ւմ է օտարեկրյա գործատուների եւ ՀՀ-ում մշտապես չբնակվող աշխատողների համար, թե՞ նրանց համար կան հատուկ այլ օրենսդրական կետեր:

Էլիզա Մանուկյան (49 տարեկան, վաճառողուհի)

ՊԱՏԱՍԽԱՆ. Հայտնում ենք, որ «ՀՀ աշխատանաքային օրենսգրքի» համաձայն՝ Հայաստանի Հանրապետության աշխատանքային օրենսդրությունը եւ այլ նորմատիվ իրավական ակտերը չեն տարածվում օտարերկրյա գործատուների եւ Հայաստանի Հանրապետությունում մշտապես չբնակվող աշխատողների միջեւ ծագած աշխատանքային հարաբերությունների վրա, անկախ այն հանգամանքից, որ աշխատողները գործատուի հանձնարարությամբ աշխատանք են կատարում Հայաստանի Հանրապետությունում:

Հայաստանի Հանրապետության միգրացիոն պետական ծառայություն

«ԺՈՂՈՎՈՒՐԴ». Ավելացնենք, որ օտարերկրացիները Հայաստանի Հանրապետությունում չեն կարող զբաղեցնել ընտրովի, քաղաքական (համայնքային, դատական/դատավոր, դատախազ), պաշտոններ, աշխատել զինված ուժերում:

 
ՀԱՐՑ. Խնդրում եմ ասեք՝ ժամանակավոր թափուր պաշտոն զբաղեցնելու համար դիմումներ ներկայացրած քաղաքացիներից թեկնածուի ընտրությունն ի՞նչ սկզբունքով է տեղի ունենում: Ուզում եմ իմանալ, թե ի՞նչ ընթացակարգով է տեղի ունենում այդ գործընթացը:

Թամարա Պողոսյան (36 տարեկան, իրավաբան)

ՊԱՏԱՍԽԱՆ. Թ. Պողոսյանի հարցին ի պատասխան՝ տեղեկացնում ենք, որ դիմումներ ներկայացրած քաղաքացիներից նախապատվությունը տրվում է տվյալ պաշտոնի անձնագրի պահանջները բավարարող, կադրերի կարճաժամկետ ռեզերվում գրանցված քաղաքացիական ծառայողին, կրտսեր պաշտոնների համար՝ քաղաքացիական ծառայության կրտսեր պաշտոն զբաղեցնելու գործող հավաստագիր ունեցող քաղաքացիների ցուցակում ընդգրկված անձին, վերջիններիս բացակայության դեպքում նախապատվությունը տրվում է պաշտոնի անձնագրի պահանջները բավարարող, կադրերի երկարաժամկետ ռեզերվում գրանցված անձին: Ընտրությունը կատարվում է ըստ կարգով սահմանված նախապատվությունների:
Եթե տվյալ պաշտոնի անձնագրի պահանջները բավարարող, կադրերի երկարաժամկետ ռեզերվում գրանցված անձի (անձանց) կողմից դիմում չի ներկայացվել կամ դիմումատուն (դիմումատուները) չի (չեն) բավարարում տվյալ պաշտոնի անձնագրի պահանջները, ապա Խորհուրդն այդ մասին տեղեկացնում է համապատասխան մարմնին:

Հայաստանի Հանրապետության քաղաքացիական ծառայության խորհուրդ

«ԺՈՂՈՎՈՒՐԴ». Ավելացնենք, որ ժամանակավոր թափուր պաշտոն զբաղեցնելու համար ընտրված թեկնածուի վերաբերյալ տեղեկությունը Խորհուրդը համապատասխան մարմնին ուղարկում է երեք աշխատանքային օրվա ընթացքում՝ այդ մասին համապատասխան տեղեկություն հրապարակելով Խորհրդի աշխատակազմում՝ տեսանելի ցուցանակի վրա: