Աշխատանքի միջազգային կազմակերպությունը (International Labour Organization, ILO, հայերեն՝ ԱՄԿ) ապրիլի 28-ը Աշխատանքի անվտանգության պաշտպանության համաշխարհային օր է հայտարարել (World Day for Safety and Health at Work)՝ աշխարհի հանրության ուշադրությունը խնդրի լայնածավալության վրա հրավիրելու նպատակով, ինչպես նաև ցույց տալու, թե աշխատանքի անվտանգության մշակույթի ստեղծումն ու զարգացումը ինչպես կարող է ազդել աշխատավայրերում տարեկան մահացությունների թիվը նվազեցնելու վրա:
Առաջին անգամ այս օրը նշվել է 2003թ.: Աշխատանքի անվտանգության համաշխարհային օրը նշելու գաղափարը Զոհված աշխատողների հիշատակին նվիրված օրվանից է ծագել, որն առաջին անգամ նշվել է 1989թ. ամերիկացի և կանադացի աշխատավորների կողմից՝ աշխատավայրում տուժած կամ զոհված աշխատողների հիշատակի պատվին:
Այսօր ավելի քան հարյուր երկրներում մի շարք միջոցառումներ են իրականացվում, որոնք ուղղված են հասարակության ուշադրությունը աշխատանքի անվտանգության չլուծված խնդիրների վրա սևեռելուն: Դրանք, որպես կանոն, տեղական իշխանությունների, պրոֆմիությունների, աշխատանքի անվտանգության բնագավառի մասնագետների ուժերով են կազմակերպվում:
Ինչպես նշում են Ռուսաստանի Դաշնության առողջապահության և սոցիալական զարգացման նախարարությունում, վերջին տարիներին «այս ակցիաներն ավելի մեծ հետաքրքրություն են առաջացնում և աջակցություն ստանում Ռուսաստանի ձեռնարկությունների և ընկերությունների ղեկավարների և աշխատողների կողմից»:
ՄԱԿ-ի գնահատականով աշխարհում ամեն օր միջինը մոտ 5000 մարդ մահանում է դժբախտ պատահարների և աշխատանքային հիվանդությունների հետևանքով՝ տարվա ընթացքում հասնելով 2-ից մինչև 2,3 միլիոն պատահարի: Նրանցից մոտ 350 հազարը կազմում են մահացու դժբախտ պատահարները, իսկ մոտ 1,7-2 միլիոն մահերը տեղի են ունենում աշխատանքի հետ կապված հիվանդությունների պատճառով:
.gif)
