Վեցերորդ գումարման խորհրդարանում եզդիական համայնքի ներկայացուցիչը լինելու է Ռուստամ Մախմուդյանը, ով պատգամավոր է դարձել ՀՀԿ համամասնական ցուցակով: Նշենք, որ նախորդ խորհրդարանական ընտրությունների ժամանակ Մախմուդյանը ընդգրկված էր ԲՀԿ համամասնական ցուցակում, սակայն այդպես էլ մանդատ չստացավ:
Զրուցելով Մախմուդյանի հետ` ArmLur.am-ը նաև հետաքրքրվեց՝ արդյոք հենց այդ հանգամանքն էր պատճառը, որ այս անգամ նա ընտրեց իշխող ՀՀԿ-ին: «2012-ի ընտրություններում այդ քաղաքական ուժի ցուցակում ընդգրկվելը պայմանավորված էր համայնքի հետ որոշակի կոնսուլտացիաների արդյունքում: Այն ժամանակ դեռ չկար սահմանադրական կարհավորումը և հույսը դրվում էր քաղաքական ուժի բարի կամքի վրա: Ես անկուսակցական լինելով, ընդգրկվել եմ այդ ցուցակում պայմանով, որ պետք է համապատասխան քանակով ձայներ լինեն: Եվ հետո ես ինքս որոշեցի հրաժարականի դիմում ներկայացնեմ»,- մանրամասնեց նա:
Հարցին՝ այժմ ինչ հարաբերություններ ունեք այդ կուսակցության ներկայացուցիչների հետ, նա նշեց. «Չլինելով կուսակցական, առավելապես մեծ շփում չեմ էլ ունեցել: Իմ հարաբերությունները եղել են Գագիկ Ծառուկյանի հետ և սկսվել և ավարտվել են այնտեղ»:
Մանրամասները՝ ArmLur.am-ի տեսանյութում:
Նաիրա Հովհաննիսյան, Հովսեփ Հովսեփյան
.gif)
