Ինչպես արդեն հայտնել ենք` Ազգային ժողովը ստացել է «Ծառուկյան» դաշինք խմբակցության 3 պատգամավորների դիմումները՝ պատգամավորական մանդատից հրաժարվելու մասին: Դադարեցվում են Խաչիկ Մանուկյանի, Արտյոմ Ծառուկյանի և Հարություն Ղարագյոզյանի պատգամավորական լիազորությունները:
Նշենք, որ դիմումներն ընդունվել են` առաջնորդվելով ԱԺ կանոնակարգի 154-րդ հոդվածի 1-ին մասի 6-րդ կետ պահանջներով:
ArmLur.am-ի հետ զրույցում Կենտրոնական ընտրական հանձնաժողովի նախագահ Տիգրան Մուկուչյանը հայտնեց, որ կազմվել է արձանագրություն` այսօր ևեթ կտրամադրվեն վերջիններիս մանդատները, և նրանք կարող են որպես պատգամավոր իրականացնել իրենց պատգամավորական գործառույթները:
Հավելենք, որ «Ծառուկյան» դաշինք խմբակցության 3 պատգամավորներին կփոխարինեն թիվ 1 տարածքային ընտրական ցուցակից՝ Գևորգ Պետրոսյանը, թիվ 3 ընտրական ցուցակից՝ Հակոբ Նազարյանը և թիվ 7 տարածքային ընտրական ցուցակից՝ Նորա Առուստամյանը:
Լիդա Եղիազարյան
.gif)
