Ես ո՞ւմ եմ վատություն արել. Սևանի նախկին քաղաքապետը` թալանվելու մասին

Երեկ գիշերը թալանել են Սևանի նախկին քաղաքապետ Ռուդիկ Ղուկասյանի՝ Ուդոյի առանձնատունը:

Դեպքի առթիվ  ArmLur.am-ը զրուցել է Սևանի նախկին քաղաքապետի հետ՝ պարզելու համար՝ դեպքը երբ է տեղի ունեցել և որքան վանս է կրել:

«Ոստիկանությունն արդեն զբաղվում է: Պատուհանի ճաղավանդակը պոկել են և ներս մտել, բարեբախտաբար տանը մարդ չի եղել»,- ասաց նախկին քաղաքապետը:

ArmLur.am-ի հետ զրույցում Ռուդիկ Ղուկասյանը նշեց, որ որևէ մեկին չի կասկածում. «Ես ո՞ւմ եմ վատություն արել, որ ինչ-որ մեկին կասկածեմ: Դրա հետևանքը այն է, որ նախկին ոստիկանապետը՝ Վիգեն Աղեկյան, քանի տարի այստեղ աշխատելով, անգործության է մատնել: Է՛դ, որ ընտրակեղծրարություն էր անում, նման լկտիների հետ էր անում, չէ՞: Ինքը հետները սերտաճած անձնավորություն է»:

Ըստ նրա՝ այսքան տարիների ընթացքում ոչ մի տնային հանցագործություն ոստիկանապետի կողմից չի բացահայտվել:

Վիգեն Աղեկյանից դեռևս մեկնաբանություն ստանալ չի հաջողվում:

Լիդա Եղիազարյան