ԱԱԾ-ն շարունակում է տվյալներ հրապարակել ՀՀ ոստիկանության Երևան քաղաքի վարչության ՊՊԾ գնդի գնդի վարչական շենքերն ու հարակից տարածքը զավթելու և պահելու դեպքի առթիվ հրապարակված քրեական գործից:
Ըստ այդմ, այսօր հրապարակված տեղեկության համաձայն, 14 մլն դրամի գաղտնի հափշտակությունը կատարվել է նշված բանկոմատի ծխնիները մետաղահատ էլեկտրական սղոցով կտրելու եղանակով: Բանկոմատից հափշտակված գումարներից 300 հազար դրամը հայտնաբերվել է մեղադրյալ Արթուր Սողոմոնյանի անձնական խուզարկությամբ` վերջինիս կոշիկների միջից:
Բացի այս տեղեկությունից, մինչ այս հափշտակության համար մեղադրանքներ էին առաջադրվել Արմեն Բիլյանին, Վարդան Գերավերտյանին, Արայիկ Հակոբյանին և Հովհաննես Վարդանյանին: Հետաքրքիր է` ինչու է սակայն նման տեղեկատվություն հրապարակվում միայն հիմա: Մինչ այս «Ժողովուրդ» օրաթերթը ևս բազմիցս բարձրաձայնել էր բանկոմատի հափշտակության և գումարի անհետացման հարցի մասին և հանգամանքները միայն նոր են ի հայտ գալիս:
Հարց է առաջանում` ինչու են ուժային կառույցները միայն հիմա բացահայտումներ անում կամ աշխատանքներ տանում` հափշտակված գումարը հայտնաբերելու ուղղությամբ: Ավելին` ամբողջական գումարները նույնիսկ չեն էլ հայտնաբերվել, բայց մեղադրյալներ կան: Մինչդեռ իրավապահ մարմիններն ամեն մեկն իր հերթին խուզարկություն են անցկացրել:
.gif)
