Հունիսի 2-ին, ժամը 21:43-ին ահազանգ է ստացվել, որ Երևան-Սևան ավտոճանապարհին՝ Չարենցավան քաղաքի մոտակայքում, տեղի է ունեցել ՃՏՊ, կա տուժած. անհրաժեշտ է օգնություն:
Դեպքի վայր է մեկնել փրկարարական ջոկատի օպերատիվ խումբը:
Պարզվել է, որ Մ-4 միջպետական ավտոճանապարհի Երևան-Սևան հատվածի 35-րդ կմ-ի մոտակայքում Opel Astra G մակնիշի 35 AN 663 պետհամարանիշի ավտոմեքենան (վարորդ՝ Ս. Գ.) դուրս է եկել ճանապարհի երթևեկելի հատվածից, բախվել ճամփեզրի երկաթյա արգելապատնեշին, այնուհետև՝ ծառին:
Ավտոմեքենայի վարորդ՝ 1971 թ. ծնված Ս. Գ.-ը հոսպիտալացվել է Չարենցավան քաղաքի ԲԿ, որտեղ բժիշկները տուժածի առողջական վիճակը գնահատել են բավարար:
Փրկարարները փակել են գազի բալոնի փականը և հոսանքազրկել։
.gif)
