Մշտապես շտապելու, ոչ հարմար կոշիկի և երկար ժամանակ ստիպված կանգնելուց հետո մեր ոտքերն իսկապես անօգնական վիճակում են հայտնվում: Հենց այդ պատճառով էլ պետք է դրանց խնամքով վերաբերվել: Ներկայացնում ենք խորհուրդներ, որոնց շնորհիվ անթերի տեսք կունենաք:
Ոտքերը չոր պահեք
Ոտքերի հիգիենայի առաջին պայմաններից մեկը դրանք չոր պահելն է, քանի որ խոնավության բարձր մակարդակը կարող է սնկի առաջացման պատճառ հանդիսանալ: Որպեսզի ձեր ոտքերը միշտ չոր լինեն, անհրաժեշտ է հետևել մի քանի կանոնների.
- նախապատվություն տվեք բնական նյութերից պատրաստված կոշիկներին, որոնք շնչելու հնարավորություն են տալիս,
- ձգտեք նույն կոշիկը մի քանի օր շարունակ չհագնել,
- միանգամից չորացրեք ոտքերը` բաղնիքից դուրս գալուց հետո:
Ճիշտ հետևեք եղունգների խնամքին
Եղունգների ոչ ճիշտ ձևը կարող է սխալ աճի պատճառ դառնալ: Որպեսզի դրանից խուսափեք, հետևեք մի քանի կանոնների.
- Եղունգները պետք է կտրել ուղիղ, առանց կլորության,
- եղունգները չափից դուրս կարճ մի կտրեք, դա կարող է բերել ինֆեկցիայի:
Եթե եղունգի վնասվածությունը շատ է, ապա պետք չէ ինքնաբուժությամբ զբաղվել: Այդպիսի բարդ իրավիճակներում պետք է դիմել բժշկի:
Պաբերաբար ոտքերի համար լոգանքներ կազմակերպեք
Որպեսզի ձեր ոտքերը մշտապես գեղեցիկ լինեն, իսկ ոտնատակերը` փափուկ, ապա պետք է ոտքերի համար շաբաթը մեկ անգամ 15-20 րոպեով լոգանքներ կազմակերպեք: Դրա համար կարող եք տարբեր բաղադրիչներ օգտագործել` սկսած սովորական աղից, վերջացրած տարբեր յուղերից:
Փափկեցնող քսուկ օգտագործեք
Ոտքերի համար քսուքը նույնքան կարևոր է, որքան ձեռքերի և դեմքի համար նախատեսված քսուքները: Այնպիսի միջոց ընտրեք, որն ունի փափկեցնող հատկություններ:
Մի′ մոռացեք ոտքերի մերսման մասին
Ոտքերի մերսումը լավ միջոց է, որն օգնում է ազատվել հոգնածությունից, լավացնել նյութափոխանակությունը և պահպանել ոտքերն առողջ: Ոտքերին օրական 5 րոպե տրամադրեք: Դրա համար կարող եք հատուկ մերսման սարք գնել:
.gif)
