ՀՀ պետական պարտքը մայիսի վերջի դրությամբ կազմել է 6 մլրդ 95 մլն ԱՄՆ դոլար:
ՀՀ ազգային վիճակագրական տվյալների համաձայն` ապրիլին պետական պարտքը կազմել էր 6 մլրդ 38,7 մլն ԱՄՆ դոլար: Ինչպես պարզ է դառնում տվյալներից, պետական պարտքի ցուցանիշն ավելացել է 56,3 մլն դոլարով: ՀՀ պետական պարտքում ՀՀ կառավարության պարտքը կազմում է 5 մլրդ 544,1 մլն դոլար, որը ապրիլի համեմատ ավելացել է 28,5 մլն ԱՄՆ դոլարով: ՀՀ կենտրոնական բանկի պարտքը կազմել է 550,9 մլն դոլար, որն ավելացել է 27,8 մլն դոլարով: Արտաքին պարտքը մայիսին կազմել է 4 մլրդ 373,5 մլն ԱՄՆ դոլար, իսկ ապրիլին` 4 մլրդ 330,6 մլն ԱՄՆ դոլար:
Այն մայիսին ավելացել է 42,9 մլն ԱՄՆ դոլարով: Ներքին պարտքը մայիսին կազմել է 1 մլրդ 170,6 մլն դոլար: Ապրիլին այն կազմում էր 1 մլրդ 185 մլն դոլար: Մայիսին ներքին պարտքը ապրիլի համեմատ նվազել է 14,4 մլն դոլարով: Ներքին պարտքում ՀՀ ռեզիդենտների կողմից ձեռք բերված պետական գանձապետական պարտատոմսերը մայիսին կազմել են 1 մլրդ 40,3 մլն դոլար, որը ապրիլի համեմատ նվազել է 14,4 մլն դոլարով:
Իսկ ՀՀ ռեզիդենտների կողմից ձեռք բերված արտարժութային պետական պարտատոմսերը մայիսին կազմել են 121,3 մլն դոլար, որը ապրիլի նկատմամբ անփոփոխ է մնացել:
.gif)
