«4 տարբերակ» խմբի վերադարձի, խմբի նոր անդամի, ինչպես նաեւ նոր տեսահոլովակի մասին ArmLur.am-ը զրուցել է 4 տարբերակ խմբի անդամ Քնարիկ Զաքարյանի հետ:
«Մեր հին կազմին է միացել մեր ընկերուհի Լուիզա Նավասարդյանը, որի հետ Ձախ Հարութի համերգին նրա երգացանկից մի երգ ներկայացրեցինք, իհարկե Հարութի համաձայնությամբ»,-ասաց նա:
Քնարիկի խոսքով՝ խումբն իր երկրպագուներին կներկայանա նոր տեսահոլովակով` «Լիքը-լիքը» երգի հիման վրա: Երգի խոսքերի հեղինակն Ավետ Բարսեղյանն է, իսկ երաժշտության հեղինակը Վահրամ Պետրոսյանն է:
«Կլինեն նոր երգեր, նոր ֆոտոսեսիաներ, եւ այլ նորություններ»,-ասաց նա:
Հիշեցնենք, որ «4 տարբերակը» կվերադառնա տարիներ առաջ իրենց գործունեության վերջին շրջանի կազմով ՝ Գոհար Ջավուկցյանն, Քնարիկ Զաքարյանը, Լուիզա Նավասարդյանը եւ Նարինե Մկրտումյանը:
Լիդա Եղիազարյան
.gif)
