ՖՈՏՈ. Ընդամենը 25 րոպե. հոլիվուդյան աստղերի նիհարելու գաղտնիքները

• Կենտրոնացվածություն

Կենտրոնացեք վարժությունների վրա: Ոչինչ չպետք է ձեզ շեղի դրանից, այդ պատճառով պետք չէ մարզվելու ընթացքում միացրած թողնել հեռուստացույցը, շեղվել հեռախոսազանգի վրա և այլն:

• Հսկողություն

Որպեսզի առավել էֆեկտիվ օգտագործեք 25 րոպեն, պետք է հետևել ժամանակին: Պետք է վայրկյանաչափ ունենալ, որով ճիշտ կհաշվարկեք յուրաքանչյուր վարժությունը:

• Տեմպ

Սկզբնական շրջանում միգուցե դժվար լինի աշխատել այդպիսի բարձր տեմպով: Այդպիսի իրավիճակում ավելի լավ է քիչ կրկնություններ անել, բայց կատարել բոլոր վարժությունները:

• Կամքի ուժ

Պատրաստ եղեք մկանների ցավի, սրտի արագ աշխատանքի: Մի քանի վարժություններից հետո մարմինն արդեն կսովորի:

Նիհարելու համար վարժությունների այս խումբը մտածել է Ջիմ Բարսենը, ով կազմվածք է ստեղծել Անջելինհա Ջոլիի, Գվինեթ Փելթրոուի և Ջենիֆեր Էնիսթոնի համար:

Կատարման սխեմա. մի վարժությունը կատարում ենք 20 վայրկյան, ապա տասը վայրկյան հանգստանում ենք, կրկին 20 վայրկյան կատարում ենք, 10 վայրկյան հանգստանում և այդպես շարունակ:

Վարժություններ

• Թռիչքներ

Սա հետույքի համար ամենալավ վարժություններից մեկն է: Ոտքերը դրեք ուսերի լայնությամբ, ձեռքերը մարմնի երկարությամբ, մեջքը` ուղիղ: Թռիքչի ընթացքում ձեռքերը բարձրացրեք վեր:

• Ծնկների ձգում

Պառկած դիրք ընդունեք, ձեռքերն ու մարմինն ուղիղ պահեք: Մարմինը բարձրացրեք վերև, բայց այնպես, որ ծնկները մնան գետնին:

• Կքանստում

Ոտքերը դրեք ուսերի լայնությամբ, ձեռքերը` գլխին, ուղիղ պահեք մեջքը: Այս դիրքում կքանստումներ կատարեք`  ձեռքերն առանց գլխից հանելու:

• Հակադարձ ձգումներ

Նստեք նստարանին կամ աթոռին, ձեռքերով հենվեք ծայրին: Այդպիսի դիրքում փորձեք հետույքը ներքև իջեցնել, իսկ հետո վերադարձեք ելման դիրք: Կրկնեք վարժությունը մի քանի անգամ:

• Պրեսս

Պառկեք մեջքի վրա, ձգեք ոտքերը: Ոտքերը մի բարձրացրեք գետնից և փորձեք ձեռքերով հասնել առաստաղին:

Եթե դուք ցանկանում եք փայլուն արդյունքի հասնել, ապա հաճուք ստացեք յուրաքանչյուր մարզանքից: Մի մոռացեք օգտակար սննդի մասին, չէ որ լավ արդյունքը կախված է նաև սննդակարգից: