ТАСС գործակալությունը, հղում անելով Ռուսաստանի անվտանգության դաշնային ծառայության հանրային կապերի կենտրոնին, հայտնում է, որ հավաստի տեղեկություններ են ստացվել այն մասին, որ Սանկտ-Պետերբուրգի մետրոպոլիտենում ապրիլի 3-ին տեղի ունեցած ահաբեկչության մահապարտ-զինյալներն օգտագործել են Telegram մեսսենջերը, որի միջոցով փորձել են թաքցնել հանցավոր մտադրություններն ուև ահաբեկչության նախապատրաստական աշխատանքները:
Հաղորդվում է նաև, որ այս մեսսենջերը ահաբեկիչների շրջանում ամենատարածվածներից է, քանի որ դրանով հնարավոր է գաղտնի պահել ցանկացած տեղեկատվություն:
Սանկտ Պետերբուրգի մետրոպոլիտենում տեղի ունեցած ահաբեկչության հետևանքով զոհվել էր 16 մարդ, այդ թվում ահաբեկիչը, վիրավորվել՝ 102 քաղաքացի։
.gif)
