ԼՈՒՐ ԿԱԴՐ

Լուսանկարը՝ համացանցից

Այս լուսանկարն արվել է հասարակական տրանսպորտի մեջ: Փաստորեն, այս երթուղուց օգտվող քաղաքացիները հաճախ են ենթարկվում «սեռական ոտնձգության»:

ՀԱՐՑ. Ես ուզում եմ իմանալ՝ եթե լրացել է անձի կենսաթոշակի անցնելու տարիքը, ապա նա ի՞նչ պետք է անի, ո՞ւր պետք է դիմի:

Ինեսա Հայրապետյան (51 տարեկան, տնային տնտեսուհի)

ՊԱՏԱՍԽԱՆ. Տեղեկացնում ենք, որ եթե անձը ձեռք է բերել կենսաթոշակի անցնելու իրավունք, ապա առաջին հերթին պետք է նախապատրաստի կենսաթոշակ նշանակելու համար անհրաժեշտ փաստաթղթերը եւ դիմի իր բնակության վայրի կեսաթոշակ նշանակող մարմին:
Այսպես՝ տարիքային կենսաթոշակ նշանակելու համար նա պետք է ներկայացնի՝
1) դիմումը.
2) անձը հաստատող փաստաթուղթը.
3) հանրային ծառայությունների համարանիշը.
4) աշխատանքային uտաժը հաuտատող փաuտաթուղթը (աշխատանքային գրքույկը, անհրաժեշտության դեպքում` uտաժը հաuտատող այլ փաuտաթղթեր կամ արխիվային տեղեկանքներ).
5) uոցիալական վճար կատարած լինելու մաuին ծառայության տված տեղեկանքը (կամ այդ փաuտը հավաuտող վճարման հանձնարարագրեր, անդորրագրեր) կամ գործատուի տված տեղեկանքն աշխատավարձի չափի մաuին` ըuտ տարիների եւ ամիuների.
6) լուuանկար (4 x 6 uմ չափի):
Կենսաթոշակ նշանակող ստորաբաժանումում նա լրացնում է աշխատակցի տրամադրած դիմումի ձեւը, որից հետո նրան է վերադարձվում դիմումի ծանուցումը, որտեղ նշվում է դիմումի գրանցման համարը, ընդունման ամսաթիվը, ընդունող աշխատակցի ազգանունը, անհրաժեշտության դեպքում` լրացուցիչ փաստաթղթեր ներկայացնելու ժամկետը:

Կենսաթոշակային համակարգի իրազեկման կենտրոն

«ԺՈՂՈՎՈՒՐԴ». Ավելացնենք, որ կենսաթոշակ նշանակելու համար բնակության վայրի մասին տեղեկանք չի պահանջվում, բավարար են անձնագրում քաղաքացու անձնական տվյալների եւ նրա հաշվառման վայրի մասին նշում պարունակող էջերի պատճենները:

 
ՀԱՐՑ. Խնդրում եմ ասեք՝ եթե անձը մուտք է գործել ՀՀ տարածք՝ ապաստան ստանալու համար ուր կարող է դիմել:

Եփրեմ Մխիթարյան (52 տարեկան)

ՊԱՏԱՍԽԱՆ. Ապաստան ստանալու համար անձը կարող է դիմել Հայաստանի հետեւյալ սահմանակետերում՝ Բավրա, Բագրատաշեն, Մեղրի, Այրում, Գոգավան, «Զվարթնոց» օդանավակայան: Եթե նա գտնվում է Հայաստանի սահմանակետում (օդանավակայանում), ապա Հայաստանում ապաստան ստանալու իր մտադրության մասին պետք է հայտնի ՀՀ սահմանապահ ծառայության աշխատակցին:
Ապաստան ստանալու նրա խնդրանքը կարող է արտահայտել բանավոր կամ գրավոր, ինչպես նաեւ ժեստերի միջոցով կամ ցանկացած այլ եղանակով: Սահմանապահ ծառայության աշխատակիցը անձի ապաստանի խնդրանքը կգրանցի գրանցամատյանում եւ ՄՊԾ-ին կտեղեկացնի ապաստանի հայցի մասին: Կբացատրվի, թե ինչպես գնալ ՄՊԾ եւ ներկայացնել ապաստանի դիմում: Անհրաժեշտության դեպքում կկազմակերպվի դիմողի եւ ընտանիքի անդամների տեղափոխումը ՀՀ սահմանակետից ՄՊԾ-ի նստավայր:

ՀՀ միգրացիոն պետական ծառայություն

«ԺՈՂՈՎՈՒՐԴ». Հավելենք, որ ապաստան ստանալու մասին քաղաքացու դիմումում անհրաժեշտ է նշել այն հանգամանքները, որոնք պատճառ են հանդիսացել վերջինիս քաղաքացիության կամ մշտական բնակության երկիրը լքելու համար: