Օգոստոսի 10-ին տեղի ունեցավ Օդեսայում ՀՀ գլխավոր հյուպատոս Հայկ Ղուլյանի և Նիկոլաևի քաղաքապետ Ալեքսանդր Սենկևիչի հանդիպումը:
Շնորհակալություն հայտնելով ջերմ ընդունելության համար՝ գլխավոր հյուպատոսը նշեց, որ տեղական մակարդակով հարաբերությունների սերտացումն ու խորացումը մեծ կարևորություն ունի երկու ժողովուրդների բարեկամության ամրապնդման տեսանկյունից:
Ալեքսանդր Սենկևիչն իր հերթին նշեց քաղաքային իշխանությունների հետաքրքրությունը Հայաստանի Հանրապետության հետ ապակենտրոնացված համագործակացություն ծավալելու գործում՝ հավելելով, որ Նիկոլաևն այն քաղաքներից է, որտեղ կողք-կողքի խաղաղ և համերաշխ ապրում են տարբեր ազգությունների ներկայացուցիչներ:
Հանդիպման ընթացքում պայմանավորվածություն ձեռք բերվեց ս.թ. սեպտեմբեր ամսին Նիկոլաև քաղաքում հայտարարել «հայկական մշակույթի շաբաթ»՝ նվիրված Հայաստանի Հանրապետության անկախության 26 ամյակին, որի շրջանակներում կներկայացվի ՀՀ տնտեսական և զբոսաշրջային ներուժը, երկրի հարուստ մշակութային ժառանգությունը:
Հանդիպմանը քննարկումներ ծավալվեցին մարզային հեռուստաալիքներով Հայաստանի մասին պատմող ֆիլմեր հեռարձակելու հնարավորության վերաբերյալ:
.gif)
