Օլիմպիական խաղերի փոխչեմպիոն ծանրորդ Սիմոն Մարտիրոսյանը դարձավ Ուսանողական խաղերի չեմպիոն: Թայփեյում ընթացող Համաշխարհային Ունիվերսիադայում պայքարի մեջ մտան 105 կգ քաշային ծանրորդները:
Հայաստանը ներկայացնող Սիմոն Մարտիրոսյանը պոկում վարժությունում գլխավերևում պահեց 180 կգ: Երկրորդ և երրորդ մոտեցման ժամանակ օլիմպիական փոխչեմպիոնը չբարձրացրեց 192 կգ: Հրում վարժության առաջին մոտեցման ժամանակ Մարտիրոսյանը չբարձրացրեց 220 կգ:
Երկրորդ մոտեցմամբ Սիմոնը գլխավերևում պահեց 221 կգ: Այնուհետ Մարտիրոսյանը անհաջող մոտեցավ 233 կգ: Մարտիրոսյանը երկամարտում հավաքեց 401 կգ և դարձավ Ուսանողական խաղերի չեմպիոն:
Նախօրեին Ուսանողական խաղերի փոխչեմպիոն էր դարձել ծանրորդ Անդրանիկ Մանուկյանը: Մարմնամարզիկ Արթուր Թովմասյանը հաղթել էր օղակների վարժությունում, իսկ թաեքվոնդիստ Սերգեյ Վարդազարյանը դարձել է բրոնզե մեդալակիր:
.gif)
