ՀՀ տնտեսական զարգացման ու ներդրումների նախարար Սուրեն Կարայանը երեկ հայտարարել է, թե ՀՀ քաղաքացիներն իրենց մաշկի վրա սկսել են զգալ կառավարության գրանցած աննախադեպ տնտեսական աճը. նշելով, ո ր նման տիպի արդյունաբերության, արտահանման աճ դեռևս երկրում չի եղել:
Այս առնչությամբ ArmLur.am-ը զրուցեց տնտեսագետ Վահագն Խաչատրյանի հետ` հասկանալու համար ծնելիության նվազման, արտագաղթի, օտարերկրյա ներդրումների նվազման պայմաններում նախարարի հայտարարությունը որքանո՞վ է արդիական:
«Չգիտեմ, թե Կարայանը, եւ ընդհանրապես, կառավարության անդամներն ում հետ են շփվում, որ այդպիսի հայտարարություններ են անում: Պաշտոնական վիճակագրությունը, որին սիրում են իրենք անդրառանալ, քաղաքացիների եկամուտների մասին լրիվ այլ պատկեր է ներկայացնում»,- մեզ հետ զրույցում ասաց տնտեսագետը:
Նրա խոսքով` պաշտոնական վիճակագրությամբ նկատելի է Հայաստանի սոցիալական պատկերն ու աղքատությունը:
«Կարող են նայել վերջին հրապարակումը և տեսնել, որ ՀՀ-ում աղքատությունը չի պակասել, մարդկանց եկամուտները չեն վերացել: ՀՀ-ում եթե եկամուտներն ավելանում են, ապա ավելանում են մեծահարուստների մոտ, ովքեր տարիներ շարունակ, օգտվելով իշխանության հովանավորությունից, ոչ մրցակցային պայմաններից, մենաշնորհային դիրքից ավելացրել են եկամուտները: Եթե Կարայանն այդ մարդկանց խմբի մասին է խոսում, դա ուրիշ է, բնական է եզրակացությունն այդպես էլ պետք է լինի, բայց թող ուրիշների անունից չխոսեն»,-հավելեց տնտեսագետը:
.gif)
