ՀՀ արդարադատության նախարար Դավիթ Հարությունյանն այսօր ընդունել է «Վորլդ Վիժն Հայաստան» և «Սեյվ դը Չիլդրեն» կազմակերպությունների ներկայացուցիչներ Ժիրայր Էդիլյանին, Գայանե Վարդանյանին և Գրիգորի Գրիգորյանցին:
Նախարար Դավիթ Հարությունյանը կարևորել է հատկապես երեխաների իրավունքների պաշտպանության ոլորտում կազմակերպությունների ստանձնած առաքելությունն ու այդ ուղղությամբ իրականացվող ծրագրերը:
«Վորլդ Վիժն Հայաստան» ծրագրի տնօրեն Ժիրայր Էդիլյանը համառոտ ներկայացրել է Երեխաների նկատմամբ բռնության կանխարգելման միջազգային համագործակցության հարթակն ու վերջինին միանալու Հայաստանի հնարավորությունները:
Նշենք, որ ՀՀ արդարադատության խորհրդի վերջին նիստի ընթացքում հարցը քննարկվել է Խորհրդի անդամ գերատեսչությունների և կազմակերպությունների ներկայացուցիչների հետ, որոնք իրենց համաձայնությունն են տվել միանալու գործընթացին, ինչպես նաև ընթացակարգային հարցերը լուծելու պատրաստակամություն են հայտնել:
Հանդիպման ընթացքում պայմանավորվածություն է ձեռքբերվել մեկտեղելու պետական հատված-քաղաքացիական հասարակություն ջանքերն ու Հարթակին միանալուն ուղղված համատեղ աշխատանքներ իրականացնել:
ՀՀ ԱՆ տեղեկատվության և հասարակայնության
հետ կապերի վարչություն
.gif)
