Պեդրո Ագրամունտին վերջին խոսքի հնարավորություն կտրվի. ինչպես նրան կզրկեն նախագահությունից

Ինչպես հայտնի է՝ երեկ Փարիզում ԵԽԽՎ բյուրոյի նիստի ընթացքում Պեդրո Ագրամունտին հեռացնելու հարցով որոշում է կայացվել։ Բյուրոն արդեն  հաստատել ԵԽԽՎ աշնանային նստաշրջանի օրակարգը: Հոկտեմբերի 9-ից մեկնարկող աշնանային նստաշրջանի հենց առաջին օրը նախատեսվում է Պեդրո Ագրամունտին անվստահություն հայտնելու բանաձևի քվեարկություն։

Մինչ քվեարկությունը, սակայն արտահայտվելու հնարավորություն կունենան քաղաքական խմբերի ղեկավարները և անվստահություն հայտնելու բանաձևի հեղինակ նորվեգացի պատվիրակը: Իր խոսքն ասելու հնարավորություն կտրվի նաև Պեդրո Ագրամունտին:

Ըստ կանոնակարգի, քվեարկությանը պետք է մասնակցի 102 հոգի, որից երկու երրորդն էլ պետք է կողմ քվեարկի անվստահություն հայտնելուն: