ԼՈՒՐ ԿԱԴՐ

Լուսանկարն արվել է մայրաքաղաքում

Իհարկե, լավ մտահղացում է շների զբոսանքը հասարակական վայրերում արգելելը, բայց կարծում ենք, որ այս հորդորը վերաբերում է ոչ թե հենց շանը, այլ տիրոջը:

 
ՀԱՐՑ. Խնդրում եմ ասեք՝ ի՞նչ ժամկետում է անցկացվում ծառայողական քննությունը: Եվ ցանկանում եմ տեղեկանալ, թե ո՞ր պահից սկսած է հաշվում այդ ժամկետը:

Լեւոն Ամրոյան (33 տարեկան)

ՊԱՏԱՍԽԱՆ. Տեղեկացնում ենք, որ ծառայողական քննությունն անցկացվում է մեկամuյա ժամկետում, որը հաշվվում է քննություն անցկացնելու մաuին Խորհրդի կողմից որոշում ընդունելու պահից: Եթե տարբեր ժամկետներում ծառայողական քննության միեւնույն կողմերի կամ միեւնույն կարգապահական խախտման վերաբերյալ տարբեր կողմերի ներկայացրած դիմումների կապակցությամբ ծառայողական քննության նյութերը Խորհրդի որոշմամբ միացվում են, ծառայողական քննության անցկացման մեկամսյա ժամկետը հաշվվում է այդ ծառայողական քննության կողմերի դիմումների հիման վրա ծառայողական քննություն անցկացնելու մասին Խորհրդի կողմից ավելի վաղ ընդունված որոշման պահից:

ՀՀ քաղաքացիական ծառայության խորհուրդ

«ԺՈՂՈՎՈՒՐԴ». Նշենք, որ ծառայողական քննության մեծածավալությունից, բարդությունից կամ այլ անհրաժեշտությունից ելնելով՝ Խորհուրդը կարող է որոշում կայացնել ծառայողական քննության ժամկետը մինչեւ 15 oր տեւողությամբ երկարացնելու մաuին:

 
ՀԱՐՑ. Խնդրում եմ ասեք՝ ՀՀ քաղաքացիություն ստանալու համար պարտադի՞ր է ծագումով հայ լինել, թե՞ օտարերկրյա պետության բոլոր քաղաքացիները կարող են ձեռք բերել ՀՀ քաղաքացիություն: Խնդրում եմ ներկայացնել հնարավորինս մանրամասն, թե ովքեր կարող են ձեռք բերել ՀՀ քաղաքացիություն:

Լիդա Հունանյան (49 տարեկան, տնային տնտեսուհի)

ՊԱՏԱՍԽԱՆ. Համաձայն «Քաղաքացիության մասին» ՀՀ օրենքի՝ ՀՀ քաղաքացիություն ձեռք է բերվում`
1) քաղաքացիության ճանաչմամբ; 2) ծննդով; 3) քաղաքացիություն ստանալու միջոցով; 4) քաղաքացիությունը վերականգնելու միջոցով; 5) քաղաքացիության խմբային ձեռքբերման միջոցով; 6) ՀՀ միջազգային պայմանագրերով նախատեսված հիմքերով; 7) օրենքով նախատեսված այլ հիմքերով:
Ըստ նույն օրենքի՝ ՀՀ քաղաքացիություն չունեցող 18 տարին լրացած, գործունակ, օտարերկրյա պետությունում բնակվող կամ ՀՀ-ում օրինական հիմքով բնակվող յուրաքանչյուր անձ իրավունք ունի դիմելու ՀՀ քաղաքացիություն ստանալու համար, եթե`
1) օրենքով uահմանված կարգով վերջին երեք տարին մշտապես բնակվել է ՀՀ-ում; 2) կարող է բացատրվել հայերեն լեզվով; 3) ծանոթ է ՀՀ Սահմանադրությանը:
Առանց «Քաղաքացիության մասին» ՀՀ օրենքի 13-րդ հոդվածի առաջին մասի 1-ին եւ 2-րդ կետերի սահմանված պահանջների պահպանման` ՀՀ քաղաքացիություն կարող է ստանալ ՀՀ քաղաքացիություն չունեցող այն անձը`
1) որն ամուսնացել է ՀՀ քաղաքացու հետ կամ ունի ՀՀ քաղաքացի երեխա; 2) որի ծնողները կամ նրանցից մեկը նախկինում ունեցել է ՀՀ քաղաքացիություն կամ ծնվել է ՀՀ-ում, եւ որը 18 տարին լրանալուց հետո` 3 տարվա ընթացքում, դիմել է՝ ՀՀ քաղաքացիություն uտանալու համար; 3) որը 1995թ. հունվարի 1-ից հետո, իր դիմումի համաձայն, դուրս է եկել ՀՀ քաղաքացիությունից:

ՀՀ միգրացիոն պետական ծառայութուն

«ԺՈՂՈՎՈՒՐԴ». Ասել է թե՝ Հայաստանի Հանրապետության քաղաքացիություն կարող է ստանալ ՀՀ քաղաքացիություն չունեցող ազգությամբ հայ անձը: