Արցախում կայացել է հանդբոլի մինչեւ 17 տարեկան աղջիկների Հայաստանի առաջնությունը: Չեմպիոն դարձել է Արցախի թիմը, որը խաղացել է առանց պարտության եւ վաստակել վեց միավոր:
Երկրորդ տեղը չորս միավորով զբաղեցրել է «Շենգավիթը», երրորդը՝ «Աջափնյակը» (երկու միավոր): Վանաձորի թիմն այս առաջնությունում չի կարողացել ոչ մի հաղթանակ գրանցել եւ չորրորդ տեղում է:
Հայաստանի հանդբոլի ֆեդերացիայի լրատվության ծառայության պատասխանատու Արմինե Բեգլարյանը ՀԱՕԿ լրատվականին հայտնեց, որ այս տարի թիմերի քանակը երկուսով կրճատվել է: Նրա խոսքով, Հայաստանի տարբեր տարիքայինների առաջնությունները պարբերաբար անցկացվում են Արցախում, Հայաստանի տարբեր մարզերում՝ հանդբոլի մասսայականացման համար:
Լուսանկարը՝ artsakhpress.am-ի
.gif)
