Լեւոն Արոնյանը ոչ ոքի խաղաց

Եվրոպայի առաջնության 7-րդ տուրի Գերմանիա – Հայաստան դիմակայությունում առաջինն ավարտվեց առաջատարների պարտիան: Աշխարհի երկրորդ համար Լեւոն Արոնյանը սեւերով ոչ ոքի խաղաց Լիվիու-Դիտեր Նիսիպիանուի հետ: Կատարվեց 27 քայլ:

Գերմանիա – Հայաստան

Լիվիու-Դիտեր Նիսիպիանու – Լեւոն Արոնյան՝ 0.5:0.5

Մատիաս Բլյոբաում – Գաբրիել Սարգսյան

Դանիել Ֆրիդման – Հրանտ Մելքումյան

Ռասմուս Սվանե – Հովհաննես Գաբուզյան

6-րդ տուրից հետո Հայաստանի հավաքականը 8 միավորով բաժանում է 5-9-րդ տեղերը:

Առաջատարներն են Հունգարիան ու Ռուսաստանը՝ 10-ական միավոր: Ադրբեջանն ու Խորվաթիան հետ են 1-ական միավոր: