«Չորրորդ իշխանություն» թերթը գրում է. «Վերջերս ԱԺ Պաշտպանության, ազգային անվտանգության եւ ներքին գործերի մշտական հարցերի հանձնաժողովի նախագահ Կորյուն Նահապետյանի որդուն նոր պաշտոն են տվել։ Արթուր Նահապետյանը նշանակվել է Մալաթիա-Սեբաստիա վարչական շրջանի ղեկավարի աշխատակազմի քարտուղարի պաշտոնակատար։ Նշենք, որ 25-ամյա երիտասարդը բեղուն աշխատանքային կենսագրություն ունի, լավ կրթություն է ստացել, աշխատել է բազմաթիվ կարեւորագույն կառույցներում, ինչպես ՀՀ հատուկ քննչական ծառայությունում, եղել է վարչապետի խորհրդականի օգնական։
Սակայն ինչպես որդին, այնպես էլ Ազգային ժողովում ռազմավարական պաշտոն զբաղեցնող հայրը՝ Կորյուն Նահապետյանը, չեն ծառայել բանակում։ Այնպես որ, նոյեմբերի 15-ին Ազգային ժողովի ընդունած Զինվորական ծառայության եւ զինծառայողի կարգավիճակի մասին օրենքի աղմկահարույց նախագիծը, որը քննարկվել էր Կորյուն Նահապետյանի ղեկավարած հանձնաժողովում եւ որով նախատեսվում էր տարկետման իրավունքի սահմանափակում, որդուն չի սպառնում»:
Ավելի մանրամասն` թերթի այսօրվա համարում:
.gif)
