«Հայկական միրգ» ԲԲԸ-ի սեփականության իրավունքով հանձնված 15 հեկտար տնկարանի տարածքը մաքրասորտ տնկանյութի արտադրություն կազմակերպելու համար անհատույց օգտագործման կհանձնվի ներդրում կատարելու պատրաստակամություն հայտնած «Նորատունկ» ՓԲԸ-ին:
Ընկերությունը պարտավորվել է 2018-2019 թվականների ընթացքում նշված հողատարածքի վրա ձեւավորել ժամանակակից տեխնոլոգիաներով հագեցած ցուցադրական տնկարան եւ արտադրել կորիզավոր, հնդավոր եւ այլ պտղատեսակների բարձրորակ, ժամանակակից ինտենսիվ այգեգործության պահանջներին համապատասխան տնկիներ եւ արմատակալներ` տարեկան շուրջ 100 հազար հատ:
Ի դեպ, պայմանագիրն ուժի մեջ մտնելուց հետո երկու տարվա ընթացքում ընկերությունը խոստացել է կատարել 77 մլն դրամի ներդրումներ, որից 37 մլն դրամը պայմանագրի կնքումից հետո առաջին տարում, 40 մլն դրամը երկրորդ տարում:
.gif)
