«Ժամանակ» օրաթերթը գրում է. «Մաքսային օրենսգրքի ընդունումից հետո Հայաստանի քաղաքացիները կարող են օգտվել «Շերեմետևո» օդանավակայանի անմաքս առևտրի խանութից՝ որպես մեծագույն ձեռքբերում ավետեց ՊԵԿ նախագահի տեղակալ Վախթանգ Միրումյանը:
Ըստ Միրումյանի՝ կա պայմանավորվածություն, որ ԵՏՄ անդամ երկրների քաղաքացիները կարող են օգտվել անդամ երկրների անմաքս առևտրի խանութներից, եթե առևտրի կազմակերպիչը համաձայն է ինքը վճարել մաքսատուրքը:
Իսկ առևտրի կազմակերպիչները վաղուց էին համաձայն նման կարգավորմանը և միայն սպասում էին համապատասխան օրենսդրական կարգավորման առկայությանը, որը ստեղծվելու է միասնական Մաքսային օրենսգրքի ընդունմամբ: Հիշեցնենք, որ 2015թ. սկսած, երբ Հայաստանը դարձավ ԵՏՄ անդամ, ՀՀ քաղաքացիները հնարավորություն չունեին օգտվել Ռուսաստանի օդանավակայանների անմաքս առևտրի խանութներից»:
Առավել մանրամասն՝ «Ժամանակ» օրաթերթի այսօրվա համարում:
.gif)
